繼聖誕節, 農曆年的各項大型宣傳後, 情人節的宣傳活動緊接開始.
揭開雜誌, 版版都係食肆廣告, 其次就係一律變成情人節禮物的消費品廣告, 包括珠寶首飾, 手機, 朱古力等等.
你又打算情人節去食乜嘢呢?
自助餐? 唔好, 成晚行出行入, 兩個人都唔可以好好地咁傾計, 仲分分鐘為咗看住個手袋, 你出佢入, 你入佢出, 慘過鷹狼傳奇的男女主角.
心型牛扒? 咪玩啦, 心型, 咪即係切走咗塊大牛扒的肉, 蝕底呀. 仲要情人節係特別貴.
高級餐廳? 有邊對情侶唔想情人節選啲靚地方食飯, 所以高級餐廳一定逼過茶餐廳, 高級餐廳都變流水作業, 唔慌好食.
其實, 情人節唔一定要去食大餐, 唔一定要懶浪漫. 好情人天天都是情人節. 不要被消費主義的社會蒙敝. 如果真係想在情人節當天搞少許特別, 不妨考慮下那天請假, 晨早去川龍飲早茶, 然後一起行山; 又或者夜麻麻去郊野公園BBQ; 又或者一齊去做義工, 派飯俾露宿者.
想起初出道的謝安琪的”愁人節”. 又或者, 安排一大堆單身朋友一齊去食飯, 等他們不會在那天覺得寂寞.
文字整理：Ladies女性健康生活雜誌編輯組(www.ladies.gig.hk)