零食是OL的恩物，不少OL都有買定大堆零食放在公司，以備口痕或發洩之用。話說某日，新人A和同事B飯後到零食店逛，A見她至愛的日本乳酪啫喱大減價，打算買半打返公司，放在pantry的雪櫃裡儲糧。同事B見狀，立時制止，勸她三思：「千祈咪放入雪櫃，有人會不問自取！」
A說：「唔怕，我會貼名。」
B冷笑一聲說：「有名又點？照拎！」
A自以為聰明說：「咁我下次寫：『有毒！後果自負！』睇下佢仲敢唔敢食！」
B回應說：「呢招我早就試過。」
A急問：「真係work？」
B歎氣道：「你咪傻啦！做得衰人，天不怕，死也不怕。嗰次佢食完唔單止放番個吉盒喺度，仲留番張紙條俾我，寫住：『毒藥過期，食我唔死，哈哈，多謝！』道高一尺，魔高一丈呀，妹妹！」
—Lily
文章由Recruit提供