Fruit art:「Transformers 變形水果」

細細個最鐘意睇美少女或者所有識「變身」既卡通片。不過電視唔熄都會唔覺意睇到鐵甲機械超人，但係打打殺殺場面又點會岩我呢d和平型天砰座女孩。

最近睇到變形金剛宣傳，由一架車變做成個機械人又真係幾令人佩服呢個諗法同創意。

所以，呢個作品既靈感，就係黎自「變形」呢個概念。如果由一個蘋果，變為一個機械人又會點呢? 於是我呢個未玩過機械人既女孩，就試下用個蘋果砌隻機械人黎— 食 ! 哈哈!  

呢隻「變形水果」既材料就淨係用左一個中型蛇果，除左個芯之外，所以部份都用得晒。

蘋果做FruitArt 既好處係，質地夠硬，亦可以利用蘋果皮同埋果肉既相差顏色做出「蘋果雕刻」Apple Carving。而對我黎講，最好就係夠乾身，唔會成手水果汁又甜又黏，方便我一路整一路拎相機影相，嘻嘻。

蘋果當中我選擇蛇果既原因係因為蛇果色澤紅潤有光澤，皮亦較其他種類的厚，容易雕刻做效果。而蛇果另一特點，就係好易氧化，果肉曝露空氣會變色，在食品科學稱為褐變（browning）。可能你會即刻想問，咁點先可以防止變色呢 ? 方法係只要隔開空氣又或者加抗氧化劑就可以延長褐變既時間。最簡單方便既方法，就係將蘋果切開之後浸鹽水或者加檸檬汁。我就鐘意用檸檬汁做抗氧化效果，蘋果加埋檸檬香，味道更清新!

所以每次做工作坊有蘋果我就一定會預備埋檸檬。切開個檸檬，揸D檸檬汁又或者拎起個檸檬直接搽係蘋果肉上面，做完個FruitArt帶返屋企都KEEP到個顏色。

不過，你問我邊個方法最好啦喎：

就梗係整完影左相就好即刻 食 啦!!! 我覺得水果藝術最大既藝術，就係食完之後可以「變身」!!!! 水果內含酵素抗氧化營養素，入左人體內係會令皮膚變得又白又滑又有光澤。皮膚好，身體自然好，由內變到外! 呢個神奇效果，真係試過先會知! 而家我要改口，唔係「一日一蘋果，醫生遠離我」，而係「一日一水果，變身任由我」。你，今日Trans左未?