Greenies潔牙骨/潔齒骨話你知:正確餵食潔齒骨

有好多狗主都會畀狗狗食潔齒骨，做口腔清潔。狗主Patty嘅狗狗(小黑)都係用家之一，由一歲幾開始食Greenies潔齒骨，到而家已經食左2年喇！小黑好鍾意Greenies潔齒骨嘅味道，每次見到都眼定定，仲流曬口水食得好快、好滋味^_^

不過，潔齒骨應該要慢慢食架，狗狗慢慢咬，令潔齒骨同牙齒之間有足夠接觸，至可以做到清潔嘅效果。究竟點至可以令狗狗慢慢食，又發揮到潔齒骨最大嘅功效？

狗主唔需要每次都將成支潔齒骨放入狗狗個口，因為餵食嘅狗狗會好快吞曬落肚。特別係Greenies咁好味嘅潔齒骨，狗狗唔使一分鐘就食曬成支！食潔齒骨就好似刷牙一樣，緊係要畀小小時間先至夠乾淨啦！

佢外型好似牙刷，狗主可以用手拎住刷柄(潔齒骨尾端)餵狗狗食(狗狗好嘆啊^_^)，狗主就可以減慢狗狗進食速度，增加潔齒時間。狗主又可以調整潔齒骨方向，令狗狗牙齒同潔齒骨之間嘅接觸面大啲，潔齒效果自然好啲啦！

係狗狗食緊潔齒骨嘅同時，狗主可以摸下狗狗個頭，多啲同狗狗互動，可以增進彼此嘅感情架！