狗主教路：狗狗除口臭妙法

好多養狗嘅朋友一直以為狗狗口臭係正常現象。其實呢個諗法係唔啱架！事實係狗口臭嘅成因好多。除左可能因為主人幫狗狗做唔夠口腔清潔之外，亦有可能係因為狗狗腸胃唔好、消化不良，又或者狗狗患有牙周疾病。唔知點算？睇下狗主Nico用咩方法幫狗狗Bebe改善口臭啦！

善用潔齒骨
「我定期都會比一支Greenies潔齒骨Bebe食嘅，食左一段時間覺得Bebe口臭少左，牙石都少左。所以咪比佢Keep住食囉！」

用乾糧代替濕糧
相比起乾糧，濕糧比較容易痴住狗狗嘅牙齒，令狗狗牙齒表面積聚食物殘渣，最後搞到個口成陣味。如果狗狗真係好鍾意食濕糧，主人不妨喺佢地食完之後再俾啲有助消除牙垢嘅乾糧狗狗食，減低牙菌滋生從而減低狗狗口臭嘅機會～

定期接受專業口腔及牙齒檢查
主人每年都應該帶狗狗去獸醫度接受專業嘅口腔同牙齒檢查。喺檢查嘅時侯，醫生會幫狗狗洗牙，清理佢地牙齒表面嘅牙菌斑同牙結石。冇哂啲污糟野，狗狗嘅牙仔自然健康乾淨冇異味啦～