可能係史上最健康既祝福~【 Fruit Cake 】水果蛋糕

自認孝順女既我一於整個 ”史上唯一健康第一既「水果蛋糕」FruitCake 賀我媽媽生日。

顧名思義水果蛋糕即係用水果整既蛋糕，既健康又有心思，外國就十分流行，注重健康又愛鍚親友既你又點可以未試過?

平時客人訂既水果蛋糕多數係一班人十個廿個人份量，所以多數用瓜類製作。今次呢個特製「二人前」水果蛋糕就用左岩晒時節又滋潤既雪梨、含花青素抗氧化既紅肉火龍果同埋甜入心香甜蜜瓜，就咁聽都知食完養顏兼甜到漏， 一個Cake表達晒我既心意。

材料&工具：

–          雪梨一個  

–          小型紅肉火龍果一個

–          哈蜜瓜半個 ( 要切一片+ 整水果波波)

–         牙簽一枝

【水果染色  Fruit Dyeing 】

水果咁有益，莫過於含有不同天然顏色，而紅肉火龍果就正正有好豐富既花青素，有抗氧化、抗自由基、抗衰老功效，岩晒我既母親大人，哈哈。相信大家都試過用手食紅肉火龍果之後，成咀成手都染晒粉紅色，我試過隻手真係洗幾次先淡色返。所以今次整個水果蛋糕時，紅肉火龍果一定要切最後。然後就利用佢超強染色效果既粉紅色果汁塗係水果上面做染色，今次我就染左雪梨同埋哈蜜瓜(見上圖)，效果令人滿意呀 !

 

大家上過我專頁就見過封面上載左一幅紅唇作品，而作品既「顏料」正是紅肉火龍果汁﹗

www.facebook.com/foodcosmetology

歡迎大家同我分享水果心得喔~

 

LOVE

Go Fruit Girl Joanne